பாண்டிய நெடுஞ்செழியன் தமிழகம் முழுவதையும் தனித்து நின்று ஆட்சிபுரிந்தவன். போர் செய்வதை பொழுது போக்காக கொண்டவன். உலக இன்பத்தில் தன்னை மறந்தவன்.

இத்தகைய மிகப் பெரிய உலகம் நிரந்தரமானது அல்ல என்று பாண்டிய மன்னனுக்கு உணர்த்த விரும்பினார் மாங்குடி மருதனார்.

எனவே, அவனுக்கு உலக இன்பம் பொருட்செல்வம், இளமை, உடம்பு இவை யாவும் நிலையற்றவை என்று விரித்து விளக்குவதாக அமைந்தது மதுரைக்காஞ்சியாகும்.

பத்துப்பாட்டில் மிகவும் பெரியது இந்த நூல். 782 அடிகளைக் கொண்டது. முடியாண்ட மன்னர்கள் பலரும் இறுதியில் இந்த மண்ணை விட்டு அகன்றனர் என்று நூல் இறுதியில் அறிவூட்டு கிறார். மதுரை மாநகரில் வாழ்ந்த பழம்தமிழ் மக்களின் பழக்க வழக்கங்களை நம் கண் முன்னே கொண்டு வந்து இந்த நூல் நிலை நிறுத்துகிறது.